De ruta libreira cos nosos colaboradores/as

Os nosos colaboradores de biblioteca recibiron hoxe o seu merecidísimo diploma de mans da coordinadora de Biblioteca e da vicedirectora do centro, para, a continuación, marchar de ruta libreira e comprar os libros que eles elixiron en varias das librerías da contorna. Percorrimos A Libroteca, Low Cost, Nobel e Cómics Sousa, onde adquirimos varios exemplares novos que se incorporarán ás baldas da nosa Casiña. Tras a visita as librerías, acabamos tomando un refrixerio nunha terraza da zona e así repoñer forzas para o curso que vén.

Dende o IES San Tomé de Freixeiro queremos agradecer a colaboración e paciencia dos libreiros que  nos atenderon durante o día de hoxe.

 

Mes do orgullo

Neste mes de xuño temos na biblioteca unha exposición de libros de temática LGTBI+. Achegádevos a coñecela!

 

Axúdanos a mellorar

 

 Pregamos ao alumnado de ESO do centro que cubra esta enquisa para valorar o traballo de biblioteca deste curso académico. Grazas pola vosa colaboración:

A transformación da nosa biblioteca

 Nesta presentación poderedes comprobar os cambios que sufriu a nosa biblioteca. En calquera caso, xa avisamos, o vindeiro ano haberá máis.

Cine en 3D no CEP Doutor Fleming

 

O alumnado de PDC realizou unha investigación sobre a historia do cine e visitou ao alumnado de segundo de Primaria do CEP Doutor Fleming para falarlles do cine 3d, da súa historia e do seu funcionamento. Culminou a visita co visionado dunha curtametraxe en 3d creada polo alumnado do noso centro. Esperamos que vos gustase!

Exposición "Cantareiras". Día das Letras Galegas

 Se aínda non visitastes a nosa biblioteca, estades a tempo de facelo. Alí atoparedes unha exposición de instrumentos musicais tradicionais, de novidades lectoras e carteis informativos sobre as cantareiras, a quen lle dedicamos este ano o Día das Letras Galegas. E, como non podía ser doutro xeito, unha proposa de suxestións lectoras en galego. Non volo perdades!

 FOTOS DA EXPOSICIÓN

 

Exitazo na celebración do Día das Letras Galegas

Onte tivemos a nosa homenaxe ás cantareiras na biblioteca do centro, con actuacións do noso alumnado, e incluso dúas improvisacións. Éxito nas actuacións e na afluencia de público, que incluso se animou a cantar cantigas tradicionais galegas co alumnado participante no concerto. Noraboa a todos!

Para todos aqueles que non puidestes ir onte á biblioteca e para os que queirades ver de novo as actuacións, aquí tedes enlaces aos vídeos:

1. Vai lavar a cara 
2. A saia da Carolina 
3. Catro vellos mariñeiros 

Improvisacións:

1. Oliveira dos cen anos 
2.  A Rianxeira

 Feliz Día das Letras Galegas!