Espazo creativo: San Valentín 2026

 

Actividade San Valentín 2026: Cita a cegas cun libro

 

Novidades de Nadal: agasallos da caixa de suxestións

 Este ano Papa Noel e as súas Maxestades, os Reis Magos de Oriente, adiantaron os seus agasallos e trouxeron á nosa Casiña algunhas das vosas peticións: a continuación dos Juegos del hambre (Suzanne Collins), un dos libros da saga Warhammer e, por clamor popular, a obra completa de Eloy Moreno (fostes moitísimos os que pediron, non soamente a continuación de Invisible, senon tamén "por favor, todos os libros de Eloy Moreno!!").

Como parece que en realidade vos portastes moi ben, tedes as vosas peticións na Casiña para que poidades ler nestas festas.

Feliz Nadal a todos e que o 2026 vos traia unha morea de lecturas!!

SOS: Precisamos un logo para a radio do insti!!

Como sabedes, a radio xa chegou ao instituto: se non o sabedes aínda, atópase na Casiña. Temos nome para a nosa emisora, "A voz do San Tomé", pero non un logo que a represente. Para iso, precisamos da vosa axuda. Por iso o equipo de Polos Creativos convoca un concurso para que deseñedes un que represente o noso canle radiofónico. Lede as bases do concurso e animádemos a participar.

25N: Mural colaborativo

 

 O alumnado de ESO e Bacharelato construiu un mural manifestando a súa rexeita da violencia de xénero,  en forma de palabras, titulares de prensa, letras de cancións, poemas, debuxos e lemas. Porque todos/as estamos fartos de que esta lacra aínda estea presente na nosa sociedade. Dende o IES San Tomé e, especialmente, dende A Casiña facemos público o noso sentir colectivo: Basta. Xa.

Á Casiña chegaron tamén novidades editoriais que tratan este tema. Non volas perdades.

 Na seguinte ligazón, tedes máis imaxes da conmemoración deste evento: ÁLBUM DE FOTOS 25N

Inauguración de nova sección na Casiña

O equipo de Biblioteca informa de que inauguramos unha nova sección na Casiña: Espazo Creativo. Durante os recreos poderedes vir á Casiña a debuxar, deseñar e crear diferentes tipos de materiais. De momento, comezamos esta sección cun imprescindible: manualidades de Nadal. Todos os que esteades interesados anotádevos na biblioteca antes do 26 de novembro.

Ollo! Agárdanvos máis novidades nesta sección no segundo trimestre. Estade atentos aos anuncios do blog e á cartelería do centro. 

Samaín 2025

Este ano o Samaín estivo cheo de novidades: libros novos de terror (non vos podedes perder a exposición da biblioteca), obradoiro de apócemas e variñas, a invocación á morte e os oráculos romanos. 

 

Homenaxeando a Astérix e Obélix de Goscinny,  trouxemos ao centro os adiviños da antiga Roma e un camposanto cheo de arrepiantes lápidas; a un druida e a unha meiga (das que hai quen di que son as herdeiras dos coñecementos dos druidas) para invocar a morte durante o recreo e para elaborar diversas apócemas que se utilizaron para espantar e neutralizar a distintos seres (Pedro Chosco, biosbardos, trasnos...). As receitas destas pocións atópanse na publicación anterior do blog (consultade o cuaderno dixital da meiga Rominerva); nesta entrada lembraremos o conxuro que recitou o druida Aldazabálix no recreo: 

 

 Aquí vos deixamos vídeos e imaxes do Samaín deste ano. Non vos esquezades de ver tamén a páxina web do centro e o Instagram da Casiña. 

 

 

Fotos exposición de novidades de terror

Fotos camposanto romano 

Fotos oráculo romano 

Fotos obradoiro apócemas e variñas 

Fotos e vídeo da invocación á morte