Calendario do Tempo de Ler para este curso 26-27

Nesta entrada poderedes consultar o calendario do Tempo de Ler para este curso académico. Lembrade que este ano auméntase a 20 minutos diarios este tempo de lectura para toda a ESO. Aproveitádeo ben e, sobre todo, disfrutádeo.

Abre aquí o PDF para consultar o calendario

Organización do Tempo de Ler

O Tempo de Ler é unha actividade na que profesorado e alumnado adicará un tempo semanal á lectura. Como novidade deste curso 26-27, ampliarase a 20 minutos diarios en toda a ESO. Lembrade consultar o calendario deste curso nos taboleiros de anuncios da vosa aula e no apartado "organización da hora de ler" do blog.

 Entón, que podemos ler?

- Libros de lectura recomendados polos departamentos de Lingua Castelá e Lingua Galega.

- Material do noso interese de ficción: cómics, manga, novelas (históricas, de aventuras, de misterio, de terror...), poesía, teatro, novela gráfica, libros ilustrados...

- Material do noso interese de divulgación (ou non ficción): libros, revistas e publicacións científicas (sobre bioloxía, zooloxía, física, química, tecnoloxía, matemáticas...). 

- Material recreativo: libros de chistes, de xogos, adiviñanzas...

- A prensa

- Material que propoña o docente para o alumnado, en papel (libro, fotocopia dun artigo ou publicación) ou dixital (proposto polo profesor/a ou extraído do blog).

Lembrade traer a clase o voso propio material para o Tempo de Ler. Se non tedes nada que sexa do voso interese na casa ou que non vos apeteza ler, botádelle un ollo aos fondos da Casiña e da vosa biblioteca de aula.

E que non se pode ler? 

Non podemos ler libros de texto nin apuntamentos. O Tempo de Ler non é un rato que debamos adicar ao estudo nin á realización de tarefas escolares, é un ratiño de lecer semanal que debemos adicar á lectura. Disfrutádeo.